An Sake Samun Kifewar Jirgin Ruwa A Sakkwato

Hatsarin kwale-kwale a jihar Sokoto ya yi sanadiyar bacewar fasinjoji da dama. Lamarin ya faru ne a karamar hukumar Shagari. Jami’an Hukumar Ba da Agajin Gaggawa ta Jihar Sakkwato (SEMA) suna aiki tare da Hukumar Ba da Agajin Gaggawa ta Kasa (NEMA) da Hukumar Kula da Ruwan Koguna ta Kasa (NIWA) don ceto wadanda suka tsira da rayukansu da wadanda lamarin ya shafa. Lamarin na baya-bayan nan dai ya biyo bayan wani hatsarin kwale-kwale da ya yi sanadiyar mutuwar mutane uku tare da bacewar wasu sama da 20 ne.